«Երկիրը քաղաքական, տնտեսական, ռազմական լուրջ խնդիրների առջև է կանգնած, իսկ այդ ժամանակ մենք Սահմանադրություն ենք փոխում»,-այսօր՝ լրագրողների հետ հանդիպման ժամանակ ասաց ՀԱԿ պատգամավոր Հրանտ Բագրատյանը:
Նրա խոսքով՝ եթե Սահմանադրության փոփոխության արդյունքում մենք ստանայինք պառլամենտական հանրապետություն, ապա, գուցե համաձայն լիներ.
«Երկու պալատ ունեցող խորհրդարանի դեպքում ես կասեի՝ լավ է, գնում ենք դեպի դեմոկրատիա: Աշխարհի փորձը ցույց է տալիս, որ միապալատ խորհրդարանները հանգեցնում են դիկտատուրայի, կուսակցապետության: Տնտեսական աճի տեսանկյունից էլ՝ հաջողված երկրների 80 տոկոսում նախագահական համակարգ է,-նկատեց պատգամավորը»:
Հրանտ Բագրատյանի խոսքով՝ նոր Սահմանադրությամբ Հանրապետության նախագահն ավելի շատ լիազորություներ ունի, բայց նրան միայն ԱԺ-ն է ընտրում:
«Սահմանադրության մեջ հոդված կա, որ ասում է՝ սուվերենության հարցերը դրվելու են հանրաքվեի.ինձ մոտ հարց է առաջանում՝ ո՞ր տարածքների վերաբերյալ հարցրերն են հանրաքվեի դրվելու: Հին Սահմանադրությամբ, օրինակ եթե ասենք Նախագահը որոշում է կայացվում ինչ-որ շրջան զիջել, ստորագրում է, դա գալիս է ԱԺ, իսկ նոր Սահմանադրությամբ միանգամից ԱԺ է գալիս, ես չգիտեմ, թե ինչ է լինելու: Խորհրդարանում էլ ասենք լինում է փակ գաղտնի քվեարկություն: Եթե չկա այս վտանգը, ապա ինչո՞ւ անցումային դրույթներում Արցախի մասին հոդված չկա»,-հարցնում է պատգամավորը:
Հրանտ Բագրատյանն ասաց, որ հաջորդ խորհրդարանում իրեն տեսնում է.
«Պատկերացրեք, թե ես չլինեմ այս խորհրդարանում՝ ինչ կլինի: Քանի՞ անգամ եմ Անին ավերակ դարձնող օրենքները պահել»,-ասում է պատգամավորը:
Անի Կարապետյան
