«Փաստորեն ստացվեց»,- ԿԳՄՍ նախարար Արայիկ Հարությունյանն այսօր թանգարան է գնացել, որից հետո Ֆեյսբուքում հայտնել՝ ով է իրեն այս նախադասությունն ասել։
«Այս խոսքերը հնչեցրեց Սարյանի տուն-թանգարյանի տնօրեն Ռուզան Սարյանը, երբ տեղեկացրեց, որ արդեն մի քանի տասնյակ մարդ այցելել է իրենց թանգարան ՀՈՒՆՎԱՐԻ 1-ին: Իսկ շատերն ասում էին` չեն գա մարդիկ ...
Տիկին Սարյանին տեղեկացրի, որ Սպենդիարյանի 150-ամյակի կապակցությամբ Սարյանի էսքիզներով վերականգնելու ենք «Ալմաստ» օպերայի ձևավորումը և, բնականաբար, բեմադրվելու է օպերան»,- Ֆեյսբուքյան հանրությանը տեղեկացրել է Արայիկ Հարությունյանը։
Հիշեցնենք, որ հունվարի 1-ից մինչև հունվարի 5-ը ներառյալ ներքոնշյալ ԹԱՆԳԱՐԱՆՆԵՐԸ անչափահաս քաղաքացիների համար (մինչև 18 տարեկան) կլինեն անվճար՝
Հայաստանի պատմության թանգարան
Հայաստանի ազգային պատկերասրահ
Ե. Չարենցի անվան գրականության և արվեստի թանգարան
Մարտիրոս Սարյանի տուն թանգարան
Կոմիտասի թանգարան-ինստիտուտ
Հովհաննես Թումանյանի թանգարան
Սերգեյ Փարաջանովի թանգարան
Երվանդ Քոչարի թանգարան
Ռուսական արվեստի թանգարան (պրոֆեսոր Արամ Աբրահամյանի հավաքածու)
