Արդեն տեղեկացրել ենք, որ Կապան քաղաքում՝ Քաջարանի բազայի մոտակայքում, սողանքի հետևանքով տեղի էր ունեցել երկհարկանի բնակելի շինության փլուզում: ԱԻՆ-ում ստացված ահազանգի համաձայն՝ փլատակների տակ մարդիկ էին մնացել:
ԱԻՆ լրատվական ծառայությունից հայտնում են, որ Կապան քաղաքի Երկաթուղայինների փողոցի 5-րդ նրբանցքում տեղի ունեցած փլուզման հետեւանքով քաղաքացիների դուրս բերման համար համայնքապետարանի կողմից տրամադրվել է հատուկ տեխնիկա:
Փրկարարները փլատակների տակից դուրս են բերել Էլա (ծնված 1950 թ.) Պ.-ի դին, իսկ ավելի ուշ՝ նաեւ Վլադիմիր (ծնված 1943 թ.) Պ.-ի դին:
