Արդեն հայտնել էինք, որ նորանշանակ վարչապետ Կարեն Կարապետյանն արդեն իսկ մի շարք որոշումներ է կայացրել և փոփոխություններ կատարել կառավարության աշխատակազմում:

Աշխատանքից ազատվել է Գուրգեն Դումանյանը՝  աշխատակազմի ղեկավար-նախարարի առաջին տեղակալը,  Տիգրան Կարապետյանն ազատվել է Հայաստանի Հանրապետության վարչապետի օգնականի պաշտոնից, Գագիկ Խաչատրյանն ու Արամ Անանյանն ազատվել են վարչապետի խորհրդականի պաշտոնից, իսկ գլխավոր խորհրդական է նշանակվել Գագիկ Մարտիրոսյանը: 

armlur.am-ի տեղեկություններով աշխատանքից ազատվել է նաև ՀՀ սփյուռքի նախարարի պաշտոնակատար Հրանուշ Հակոբյանի եղբայրը`  Կորյուն Հակոբյանը, ով մինչ այդ զբաղեցնում էր վարչապետի խորհրդականի պաշտոնը:

Այս որոշումը դեռևս ներկայացված չէ վարչապետի որոշումների բաժնում, սակայն կառավարության կայքն ուսումնասիրելիս ամեն ինչ պարզ է դառնում: