Նախօրեին՝ ՀՀ Տավուշի մարզի Բերդ քաղաքում  արդեն երրորդ անգամ անցկացվեց ավանդական դարձած «Շամշադինի մեղրի և հատապտուղների փառատոնը»:

Արդեն երրորդ անգամ ներկա էր նաև ՀՀ-ում ԱՄՆ արտակարգ և լիազոր դեպսան Ջոն Հեֆերնը:

«Ամենակարևորը,  որ կարող եմ ասել այս փառատոնի մասին, այն է, որ համախմբում է տարածաշրջանի բոլոր գյուղերը և ամբողջ աշխարհի մարդկանց: Ինձ դուր է գալիս համագործակցությունը տեղի բնակչության  և Երևանի, ինչպես նաև միջազգային տարբեր կազմակերպությունների հետ»,-ASEKOSE.am-ի թղթակցի հետ զրույցում նշեց դեսպանը՝ հավելելով, որ արդեն գնել է հատապտուղներ, 12 կգ մեղր և պատրաստվում է ևս 5 կգ գնել:

Դեսպանի խոսքով.

«Կինս հիմա ԱՄՆ-ում է, և ես խոստացել եմ 10 կգ հայկական մեղր տանել. ևս 5 կգ ինձ է անհրաժեշտ»:

Լրագրողների հետ զրույցում դեսպանը նշեց, որ առաջին անգամ մեղր է համտեսել Հայաստանում:

ASEKOSE.am-ը փառատոնի մասին այլ մանրամասներ կներկայացնի ավելի ուշ:

Հասմիկ Գյոզալյան