Հայաստանը մոտ ժամանակներս կդառնա Եվրասիական տնտեսական միության (ԵՏՄ) լիիրավ անդամ: Այսօր Դուշամբեում նման հայտարարություն է արել ՌԴ արտգործնախարար Սեերգեյ Լավրովը:
Նմանատիպ հայտարարություններով՝ Մոսկվան պարբերաբար փորձում է հանգստացնել հայաստանյան էլիտային, որն ակնհայտորեն անհագիստ վիճակում է՝ գործընթացի ձգձգման պատճառով:
Բայց «մոտ ժամանակներս»-ը ժամանակային ու քաղաքական պատասխանատվություն, պարտավորություն չի ենթադրում ու իրականում բացահայտում է այն իրողությունը, որ Հայաստանի անդամակցության խնդիրը կախված է մի շարք գործոններից և նույնիսկ Մոսկվայում առայժմ չեն կարողանում հստակ որոշել՝ Հայաստանը պետք է, թե՞ ոչ ԵՏՄ-ին, եթե պետք է՝ ո՞ր ժամկետներում:
Այլապես անհասկանալի է, որ ԵՏՄ-ն ու Հայաստանն իբրև թե համաձայնեցրել են բոլոր հարցերը, սակայն չեն կարողանում հստակեցնել մեր երկրի անդամակցության կոնկրետ ժամկետը:
