«Ադրբեջանում Երևանի օրհներգն են գրել, նոր օրհներգը` ադրբեջաներեն: Կխնդրեմ ադրբեջանագետներին` դա խորությամբ ուսումնասիրել: Իսկ այս մարդիկ հեծանիվ են քշում ու խորոված-խաշլամա ուտում: Հեյդարի առաջ ո՞վ է կանգնած` խաշլամայալոբիազանգված` Սևանում ցեխոտ լողացող: Սևան էլ չենք կարա գնանք, լողանք, էդ հարցն էլ փակվեց»,- Սուրբ Աննա եկեղեցու բակում ասաց Բագրատ Սրբազանը:

«Ինքնախաբեությամբ չպիտի զբաղվենք: Մեր ազգաբնակչության 3,6 տոկոսը 1 և ավելի անգամ մասնակցել է մեր բոլոր հավաքներին, մոտ 6,2 տոկոսն էլ գոնե մի անգամ մասնակցել է այս բոլոր հավաքներին: 10 տոկոսն էլ ակտիվ մասնակցություն է ունեցել: Մնացած տվյալներն էլ չեմ ուզում ասել: Նույնիսկ հարցախույզ անողներն իրենք էին զարմացել, ասում էին, որ սա աննախադեպ իրադարձություն է մեր կյանքում»,- Սուրբ Աննա եկեղեցու բակում ասաց Բագրատ Սրբազանը:

***

«Ինչ որոշումներ ունեք, որ կցանկանայիք հանրայնացնել»,- Սուրբ Աննա եկեղեցու բակում Բագրատ Սրբազանին հարց հղեց լրագրողը:

«Ընդամենը 10-15 օր է մնացել, ամեն ինչ կիմանաք, մենք կոնկրետ քայլերով պատրաստվածության մեջ ենք: Իմ` բժշկական կենտրոն մտնելն էլ ձգձեց աշխատանքը, բայց ամեն ինչ նորմալ է»,- նշեց Բագրատ Սրբազանը:

Հայաստանի Հանրապետությունն իշխանություն չունի, Սուրբ Աննա եկեղեցու բակում, լրագրողների հետ զրույցում ասաց Բագրատ Սրբազանը։
«Այս մարդիկ զբաղեցնում են իրենց աթոռները հակասահմանադրական միջոցներով և սահմանադրական հեղաշրջում կատարած լինելով մեր երկրում»,- ասաց նա։
Սրբազանը արձագանքեց նաև դիտարկումներին, թե պայքարը կարող է նախատեսվածից ավելի երկար տևել։

«Ոչ ոք ձգձգելու, երկարացնելու տրամադրություն չունի։ Մենք էլ ենք պատրաստության մեջ, թշնամին էլ։ Թշնամի ասելով՝ նկատի ունեմ Հայաստանի իշխանություններին, որովհետև նրանք մեր ընդհանուր թշնամու ներկայացուցիչներն են»,- ասաց Բագրատ Սրբազանը։