ՀՀ Ժողովրդական արտիստ Նիկոլայ Ծատուրյանը, անդրադառնալով Անկախության տոնի կապակցությամբ նախագահ Սերժ Սարգսյանի կողմից երգիչ Արմենչիկին շնորհված ՀՀ Վաստակավոր արտիստի կոչմանը, լրագրողների հետ հանդիպման ընթացքում ասաց.
«Կոչ եմ անում բոլոր արվեստագետներին` եկեք բոլորս միասին տանենք հանձնենք մեր կոչումները. սա աբսուրդ է»:
Ըստ նրա՝ պետք է ստեղծվեն լուրջ հանձնաժողովներ, որոնք կորոշեն՝ ով պետք է ստանա կոչում, ով՝ ոչ:
Նիկոլայ Ծատուրյանն ասաց, որ այլևս ոչինչից չի զարմանում. «Այս պետության մեջ Արմենչիկը գտավ իր կոչումը: Սփյուռքում հասկացողությունն այլ է: Նրանց ականջին մոտ է այդ թուրքա-արաբական «մուղամներով» երաժշտությունը, հետևաբար պետք չէ զարմանալ»:
Դիտարկանը, թե նման կոչումները կարող են խրախուսում լինել, որ Արմենչիկը հետ վերադառնա հայրենիք՝ Ծատուրյանը պատասխանել է. «Ամեն ինչ անում եմ, որ չվերադառնա, իսկ դուք ասում եք` թող Ամիրխանյանը հեռանա: Մեզ բոլորիս մեղադրում են, որ ակտիվ չենք. հիմա մենք չենք լռում, ահազանգում ենք՝ սա աբսուրդ է»:
