▲ Դեպի վեր

lang.iso lang.iso lang.iso

Նորածնի մահվան դեպք` Երևանում

Oգոստոսի 17-ին ՀՀ Ներքին գործերի նախարարության Ոստիկանության Շենգավիթի բաժին է դիմել Երևանի բնակիչ, 26-ամյա Գ. Մարությանը և հայտնել, որ օգոստոսի 7-ին «Շենգավիթ» բժշկական կենտրոնում իր կինը երեխա է ունեցել, որից հետո՝ օգոստոսի 9-ին, երեխային դուրս գրելու ժամանակ իրեն ասել են, որ նրա վիճակը ծանր է, իսկ արդեն օգոստոսի 13-ին երեխայի սիրտը կանգ է առել, սակայն բժիշկներին հաջողվել է փրկել երեխայի կյանքը:

Ինչպես հայտնում է ֆոտոլրագրող Գագիկ Շամշյանը, ահազանգով ժամանած ոստիկանության Շենգավիթի բաժնի օպերատիվ խմբին Գ. Մարությանը հայտնել է, որ օգոստոսի 14-ին երեխան «Շենգավիթ» բժշկական կենտրոնում մահացել է, որից հետո երեխայի դին տեղափոխել են «Արաբկիր» բժշկական կենտրոն, սակայն երեխայի մահվան վերաբերյալ որևէ պատճառ չեն ներկայացրել՝ պատճառաբանելով, որ երեխայի դիակը ուղարկել են ԴԲՓ, սակայն չեն ուղարկել: Գ.Մարությանը հայտնել է, որ ցանկանում է կրկին փորձաքննություն անցկացնել, քանի որ չի հավատում բժիշկներին, որովհետև երեխայի ծնվելուց հետո իր կնոջը հայտնել են, որ առողջ բալիկ եք ունեցել:

Աղբյուրի հաղորդմամբ՝ դեպքի փաստով կազմվել են փաստաթղթեր, որոնք փոխանցել են Հայաստանի Քննչական կոմիտեի Երևան քաղաքի քննչական վարչության Շենգավիթի քննչական բաժին, որտեղ դեպքի փաստով նախաձեռնվել է վարույթ:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել Asekose.am-ի խմբագրության տեսակետների հետ: Նյութերի ներքո` վիրավորական ցանկացած արտահայտություն կհեռացվի կայքից:
Պատահարներ далее