Նոյեմբերի 19-ին Օրրան էին այցելել «SAS Group»-ի կազմի մեջ մտնող Baldi բրենդի ներկայացուցիչները: Նրանք իրենց հետ բերել էին 72 զույգ կոշիկ Երևանի և Վանաձորի երեխաների համար:
Baldi բրենդը, այսպիսով, իրականացնում է կորպորատիվ սոցիալական պատասխանատվության շրջանակում շատ կարևոր մի գործառույթ՝ օգնելով անապահով երեխաներին: Կարելի է ասել, օրրանցիների համար այս տարի Ձմեռ պապիկն ավելի շուտ եկավ. այնքան մեծ էր նրանց ոգևորությունը և ուրախությունը:
Երեխաները և Baldi-ի աշխատակիցները շատ լավ ժամանակ անցկացրին միասին. սկզբում բացեցին բոլոր տուփերը և փորձեցին կոշիկները, այնուհետև Օրրանի սաները իրենց երգերով զարդարեցին այդ գեղեցիկ օրը:
Գնահատելի է «SAS Group»-ի նման մեծ կազմակերպությունների ներգրավվածությունը բարեգործության մեջ, քանի որ նմանատիպ նվիրատվությունների շնորհիվ անապահով երեխաները զգում են հոգատարություն և ջերմություն, որն այնքան կարևոր է նրանց համար:
