Հայաստանի ԱԻՆ-ում, այսօր՝ ապրիլի 10-ին, ժամը 08:04-ին ահազանգ է ստացվել, որ Երևան քաղաքի Մյասնիկյան պողոտայում՝ «Վենեցիա» ռեստորանային համալիրի մոտակայքում տեղի է ունեցել ավտովթար, «Nissan March» մակնիշի ավտոմեքենան բախվել է սյանը, կա 1 զոհ. անհրաժեշտ է փրկարարների օգնությունը:
Դեպքի վայր է մեկնել մեկ մարտական հաշվարկ եւ արտակարգ իրավիճակների արձագանքման խումբը:
Պարզվել է, որ «Nissan March» մակնիշի 35 FR 708 համարանիշի ավտոմեքենան դուրս է եկել ավտոճանապարհի երթևեկելի հատվածից եւ բախվել սյանը: Վարորդը տեղում մահացել է:
Փրկարարները 24-ամյա Հարություն Մանթաշյանի դին դուրս են բերել ավտոմեքենայից:
Այս պահին Մյասնիկյան պողոտայում վթարի հետեւանքով մեծ խցանում է առաջացել:
