80 կգ քաշային կարգում Հայաստանը ներկայացնող Մաքսիմ Մանուկյանը Փարիզում ընթացող հունահռոմեական ըմբշամարտի աշխարհի առաջնության եզրափակչում հաղթեց բելառուս Ռադիկ Կուլիևին և 5:0 հաշվով դարձավ աշխարհի չեմպիոն:
Հիշեցնենք, որ Մաքսիմը պայքարը սկսել էր որակավորման փուլից, որտեղ փայլուն կերպով հաղթեց Իրանի ներկայացուցիչ Յուսեֆ Ղադերիանին: 1/8 եզրափակչում հայ ըմբիշն առավելության էր հասել շվեդ Ալեքս Կեսիդիսի, ապա քառորդ եզրափակչում՝ Պասկալ Էիսելի նկատմամբ: Կիսաեզրափակչում Մանուկյանը մաքուր հաղթանակ տարավ վրացի Զուրաբի Դատունաշվիլիի հետ գոտեմարտում:
