Փաշինյանը 10% ձայն հազիվ ունենա, նա ատում է մեր ազգին. Բողոքի ակցիա՝ հարկերի թանկացման դեմ:
|
Տնտեսվարողները կրկին բողոքի ակցիա են իրականացնում Կառավարության շենքի դիմաց՝ պահանջելով վերանայել շրջհարկի բարձրացման վերաբերյալ որոշումը։ «Իրենք ասում են՝ երկու եռամսյակը 10 տոկոսով կվճարեք, հետո հետ կտանք, դա էլ է սուտ, խաբեություն է»,- ասում են նրանք։ |
***
|
«Էկոնոմիկայի նախարար Գևորգ Պապոյանը խոստացել էր, որ շուտ-շուտ հանդիպումներ կկազմակերպի, քննարկումներ կլինեն, առաջարկներ կանեն, բայց դեռ դրական քայլ չենք տեսել, ուստի նորից ակցիա ենք իրականացնում»,- լրագրողների հետ զրույցում ասում է տնտեսվարող Կարինե Գևորգյանը, ով շաբաթներ շարունակ մասնակցում է շրջհարկի բարձրացման դեմ բողոքի ակցիաներին։ Դիտարկմանը, թե ոսկու շուկայի տնտեսվարողները չեն մասնակցում ակցիաներին, կարծես նրանց խնդիրը լուծվել է, տիկին Կարինեն պատասխանեց․ «Ինչքան տեղյակ եմ, այնպես չէ, որ իրենց հարցը լուծում է ստացել, քննարկումներ են դեռ, Նաիրի Սարգսյանի առաջարկով է եղել (խմբ․ Նիկոլ Փաշինյանի նախկին օգնական Նաիրի Սարգսյանը ԱԺ-ում կազմակերպված քննարկման ժամանակ առաջարկել էր ոլորտի շրջհարկը սահմանաել 1%)։ Կարծում եմ՝ նա ոսկու գործի մեջ կա, հետևաբար իր շահերից ելնելով առաջարկ է արել։ Գուցե մեր բնագավառում էլ պիտի Նաիրի Սարգսյան լիներ, որ մեր հարցն էլ առաջ տանեին, երևի ծանոթ- բարեկամով է»,- ասում է տիկին Կարինեն։ Նրա խոսքով՝ տպավորություն է, թե Նիկոլ Փաշինյանն ուղղակի ատում է հայ ազգին, քանի որ ոչ միայն տնտեսվարողներին, այլ բոլորին է «նեղություն պատճառում»։ *** |
|
«Հունվարից հետո օրեր կան՝ ընդհանրապես առևտուր չի լինում»,- ասում է Կառավարության շենքի դիմաց բողոքի ակցիա իրականացնող տնտեսվարողը, ով շրջհարկի բարձրացումը համարում է մեծ խնդիր՝ փոքր և միջին բիզնեսի համար։ Հարցին, թե Նիկոլ Փաշինյանն ասում է՝ «յաշիկ առ յաշիկ» հետ են բերելու, ձեր մեջ կա՞ն մարդիկ, որ «յաշիկ» են քշում, տնտեսվարողը հեգնեց․ «Իհարկե ոչ, «յաշիկ» ունենք, մարմնագույն՝ մեջն էլ ապրանք, արկղ, էլի»։ |
