|
«Պայմանավորվածություն ունեինք Նարեկ Մալյանի հետ, որ եթե ազատվեմ՝ կսափրվի։ Երբ լուրը եկել է, որ ազատվել եմ, սափրվել է, եկա տեսա սափրված նստած է»,-ՔԿՀ-ից դուրս գալուց հետո լրագրողների հետ զրույցում ասաց Մամիկոն Ասլանյանը։ |
***
|
«Էդմոն Մարուքյանն ինձ ասել է, որ իրեն ճնշում են, ստիպված է վիճարկել Վանաձորի ՏԻՄ ընտրությունների արդյունքները»,-լրագրողների հետ զրույցում ասաց Մամիկոն Ասլանյանը։ Լրագրողների դիտարկմանը, թե արդյո՞ք Մարուքյանի դիմելու արդյունքում է Ասլանյանը զրկվել ազատությունից, նա ասաց․ «Մարուքյանն այդքան կալիբր չունի, իր դիմելու արդյունքում չի։ Բայց իր դիմելու արդյունքում անհիմն տուժել է Վանաձորի ՏԻՄ ընտրական ողջ տրամաբանությունը, արգելանք է դրվել ավագանու նիստի վրա, որով պետք է համայնքի ղեկավար ընտրվեր»,-ասաց նա։ |
***
|
«Այս տարիների ընթացքում լուրեր էին պտտվում, որ բազմաթիվ առաջարկություններ են եղել՝ գործարքի գնալու, բայց դուք մերժել եք»,-Մամիկոն Ասլանյանին հարցրեցին լրագրողները․ «Ինձ ոչ մի առաջարկություններ չեն եղել, ես էլ գործարքի գնացող չեմ, գործարքի գնում են գործակատարները, ես գործակատար չեմ»,-պատասխանեց նա։ ***
Տեսանյութերը՝Սյուզի Բադոյանի ֆեյսբուքյան էջից |
