«Հարգելի հայրենակիցներ, Կ.Դեմիրճյան անվան մարզահամերգային համալիրի հետ կապված նշեմ, որ անհիմն ու "պրովոկացիոն" խոսակցություններին չենք արձագանքում»,-գրել է ՊՆ մամուլի խոսնակ Արծրուն Հովհաննիսյանը ֆեյսբուքյան էջում:
Հիշեցնենք, որ Կարեն Դեմիրճյանի անվան մարզահամերգային համալիրի մամուլի և հասարակայնության հետ կապերի բաժնի պատասխանատու Կորյուն Գրիգորյանը, ով ասուլիսին ներկայացել էր զինվորական համազգեստով, լրագրողներին, մասնավորապես, հայտարարել էր. «Պետականացումից հետո փոխվել է Կարեն Դեմիրճյանի անվան մարզահամերգային համալիրի անվանումը: Այժմ այն կոչվում է «Ծիծեռնակաբերդի մարզահամերգային համալիր»: Սա ինչպե՞ս կարելի է պատկերացնել: Պատկերացնո՞ւմ եք՝ լինի Թոխմախի հարսանյաց սրահ: Անպայման պետք է Համալիրը կցեին Ծիծեռնակաբերդի հե՞տ: Եվ, սա այն դեպքում, երբ սեփականատերը մեծ տառերով էր գրել Կարեն Դեմիրճյանի անունը»:
Ֆոտոմոնտաժը` ֆեյսբուքյան օգտատերերի
