Երեկ Արմավիրի մարզի Ջրառատ գյուղում տեղի ունեցած միջադեպի հետեւանքով ՀՀ ոստիկանության զորքերի հրամանատար Լեւոն Երանոսյանի եղբայրը՝ Լեռնիկ Երանոսյանը, փակ գանգուղեղային տրավմա է ստացել:
Հիշեցնենք, որ ըստ Քննչական կոմիտեի հաղորդագրության, Ջրառատում Լեռնիկ Երանոսյանն իր ատրճանակից արձակել է մեկ կրակոց:
Ավելի վաղ «Օհանյան-Րաֆֆի-Օսկանյան» դաշինքը հաղորդագրություն էր տարածել՝ նշելով, որ Ջրառատի գյուղապետ Սամվել Գալստյանի կողմից սպառնալիքներ է հնչեցվել գյուղի բնակչի՝ «Օհանյան-Րաֆֆի-Օսկանյան» դաշինքի համակրի հանդեպ՝ նշելով, որ գյուղապետը ոչ անհայտ փոխոստիկանապետ Լեւոն Երանոսյանի բարեկամն է, իսկ գյուղն էլ նույն Երանոսյանի ծննդավայրն է:
Հաղորդագրության մեջ նշվում էր նաեւ, որ գյուղապետի շրջապատը ներկայացնող անձանցից մեկը դաշինքի կողմնակցի վրա ատրճանակ է ուղղել։
Հիշեցնենք նաև, որ անցած տարվա հուլիսի փոխոստիկանապետ Լևոն Երանոսյանի եղբայրը՝ նույն Լեռնիկ Երանոսյանը Սարի թաղի ցուցարարների վրա նռնակ էր նետել:
