Ազգային ժողովում Գյումրիում հունվարի 12-ին տեղի ունեցած սպանության և դրան հաջորդած դեպքերի կապակցությամբ այսօր խորհրդարանական լսումներ են անցկացվում: Պատգամավորները հնարավորություն ունեցան հարցեր ուղղել ՀՀ Գլխավոր դատախազին:
«Ժառանգություն» խմբակցության պատգամավոր Զարուհի Փոստանջյանը հարցրեց, թե քրեական գործ հարուցվե՞լ է նաև ՀՀ սահմանը հատելու փորձ կատարելու համար, արդյոք անգործության համար պատասխանատվության ենթարկվելո՞ւ են ռազմաբազայի ղեկավարներն ու ԱԱԾ-ի ներկայացուցիչները:
«Պարտավոր եք նաև պահանջել, որպեսզի նրան փոխանցեն ՀՀ-ին»,-ասաց պատգամավորը:
Գլխավոր դատախազը պատասխանեց, որ իրավական հիմքեր պետք է ունենա, որպեսզի դիմի ՌԴ գլխավոր դատախազին՝ փոխանցման համար:
«Տիկին Փոստանջյան, իրավաբան եք, գիտեք, Ձեր հարցերի պատասխանները: Փաստերի ստուգման արդյունքում է հարուցվում քրեական գործ: Մեղադրանք առաջադրվում է, երբ քննությունը տարված է, կա բավարար հիմք: Հաստատված ու ապացուցված փաստ պետք է լինի: Հայտարարությունների հիման վրա մեղադրանք չեն առաջադրում»:
