Թուրքիայի վարչապետ Ահմեթ Դավութօղլուն Բրյուսելում ՆԱՏՕ-ի գլխավոր քարտուղար Յենս Ստոլտենբերգի հետ հանդիպման ընթացքում անդրադարձել է Թուրքիայի կողմից ռուսական ռազմական ինքնաթիռի խոցման միջադեպին:
Դավութօղլուն մասնավորապես ասել է. «Երկրի սահմանների պահպանությունը Թուրքիայի միջազգային պարտականությունն է: Թող ոչ ոք մեզանից ներողություն չսպասի: Ոչ մի կառավարության ղեկավար իր պարտականությունը կատարելու համար ներողություն չի խնդրի»:
Թուրքական «Sondakika» լրատվական կայքի տեղեկացմամբ` Դավութօղլուն նշել է, որ նոյեմբերի 24-ին տեղի ունեցածի համար պատասխանատվությունը Ռուսաստանն է կրում` ավելացնելով, որ բոլորը պետք է հարգեն Թուրքիայի սահմանները:
