Եվրամիության արտաքին գործերի խորհուրդը Եվրահանձնաժողովին թույլատրել է նոր իրավական հիմքի վրա Հայաստանի հետ բանակցություններ սկսել։
«Հայաստնի և ԵՄ-ի միջև իրավական նոր փասատթղթի շուրջ դեռևս 2013 թվականից էին որոշ քննարկումներ ընթանում, և արդեն 2015 թվականի հոկտեմբերից կարող ենք ասել, որ տեղի կունենա իրական բանակցային գործընթաց: Այսինքն, նոր իրավական փաստաթուղթը կհանդիսանա ասոցացման պայմանագրի, որը կներառի և՛ տնտեսական բլոկը, և՛ քաղաքականը»,-այսօր՝ լրագրողների հետ հանդիպման ժամանակ ասաց քաղաքագետ Սերգեյ Մինասյանը:
Ինչ վերաբերում է Ռուսաստանին, որը կարող է խոչընդոտել ՀՀ-ԵՄ հարաբերությունների կարգավորմանը, քաղաքագետը նկատում է.
«Ռուսաստանն աշխարհաքաղաքական առումով վտանգ չունի ՀՀ-ի և ԵՄ-ի հետ բազմակողմ հարաբերությունների ֆորմատից, և չեմ կարծում, որ Ռուսաստանի կողմից լուրջ անհանգստություն կլինի, և դրա հետ մեկտեղ կարելի է նշել, որ այս պահին Ռուսաստանն ավելի շահագրգռված կլինի համագործակցության նոր եզրեր գտնել ԵՄ-ի հետ և Հայաստանի օրինակը կարող է լավ տարբերակ լինել, ինչի դեպքում կարելի է խոսել Եվրասիական և Եվրոպական միությունների քաղաքական և տնտեսական սինխրոնիզացիայի մասին»:
Անի Կարապետյան
