ԱԺ ՀՅԴ խմբակցության ղեկավար Արմեն Ռուստամյանը բացառում է, որ Նիկոլ Փաշինյանի հայտարարած կաշառքի գործով կալանավորվելիք պատգամավորը Հայ հեղափոխական դաշնակցության խմբակցությունից է:
«Եթե այդպիսի բան լիներ մեզ մոտ, մենք վաղուց կիմանայինք: Ես ամբողջությամբ բացառում եմ, որ դա կարող է վերաբերել մեր խմբակցության որևէ անդամի»,- այսօր ԱԺ ճեպազրույցների ժամանակ ասաց նա:
Ըստ Ռուստամյանի՝ մանդատը չպետք է դառնա հնարավորություն՝ ոչ անօրինական գործունեություն ծավալելու համար. «Եթե ներկայացվի համապատասխան գործ, տեղեկություն և, եթե համոզվենք, որ դա ճիշտ է, մենք երբեք չենք խոչընդոտի, որ քննությունն ամբողջական լիարժեք իրականացվի»:
Ա.Ռուստամյանը նկատեց, որ Փաշինյանը չափազանց լավ է տիրապետում քննվող գործերի մանրամասներին, ինչը անհանգստացնող է:
Թե ո՞վ է այդ պատգամավորը, Ա.Ռուստամյանը հրաժարվեց վարկածներ առաջ քաշել. «Դա անշնորհակալ գործ է լինելու»:
Կարդացեք նաև՝ Սա լինելու է 3-րդ հանրապետության ամենախոշոր կաշառքի դեպքը` պատգամավոր է կալանավորվելու. Փաշինյան
