Ազգային ժողովի պատգամավորներ Սամվել Ֆարմանյանն ու Միհրան Հակոբյանը «Հանրապետական» կուսակցությունից դուրս գալու դիմումներ են գրել:
Տեղեկությունը «Հայկական ժամանակ»-ի հետ զրույցում հաստատել է Սամվել Ֆարմանյանը: Նա ՀԺ-ի հետ զրույցում տեղեկացրեց, որ առաջիկայում կխոսի նաեւ պատճառների մասին:
Ֆարմանյանի եւ Հակոբյանի՝ ՀՀԿ-ից դուրս գալու տեղեկությունների շուրջ կայքը մեկնաբանություն է խնդրելնաեւ ՀՀԿ կազմակերպչական հարցերով հանձնաժողովի նախագահ Ռուբեն Թադեւոսյանից: Վերջինս նշել է, որ տեղյակ չէ:
Հիշեցնենք, որ Սամվել Ֆարմանյանը, Միհրան Հակոբյանը, Արման Սաղաթելյանը եւ Կարեն Բեքարյանը հիմնադրել են «Քառյակ մեդիա» ընկերությունը եւ գնել են «Արմնյուզ» հ/ը-ն, «Թերթ.am» գործակալությունը եւ «Լավ» ռադիոն:
