ԲՀԿ ղեկավար Նաիրա Զոհրաբյանն այսօր ԱԺ-ում խոսեց «Հայ Փոստ»-ի մասին՝ ասելով, որ այն ռազմավարական և ստրատեգիական նշանակության կազմակերպություն է և հարց բարձրացրեց, թե որքանով է արդյունավետ մասնավորին տալը.

«Հիմա վաղը մեկն էլ կարող է գալ ու ասել, թե Սևանը մասնավորեցրեք, ես ելք եմ բացել դեպի Խաղաղ օվկիանոս»:

Հիշեցնենք, որ Կառավարության որոշմամբ վաճառքի կհանվի «Հայփոստ» ՓԲԸ-ն։ Ինչպես կառավարության նիստին նշեց ՀՀ պետական գույքի կառավարման վարչության պետ Արման Սահակյանը, ընկերության մասնավորեցումը կնպաստի ՀՀ-ում փոստային կապի ոլորտի զարգացմանը։