Բուենոս Այրեսում Clarin թերթին տված հարցազրույցում Սերժ Սարգսյանը ուշագրավ հայտարարություններ է արել՝ ասելով, թե ցավալի իրադարձություն է այն փաստը, որ Ռուսաստանը զենքեր է մատակարարում, վաճառում Ադրբեջանին:
«Մեզ համար դա շատ ցավոտ թեմա է, և մեր ժողովուրդը շատ է մտահոգվում, որ մեր ռազմավարական գործընկերը զենք է վաճառում Ադրբեջանին», - ասել է Հայաստանի նախագահը:
Ըստ ամենայնի՝ Եվրասիական տնտեսական միությանը Հայաստանի անդամակցության գործընթացն իսկապես վտանգված է կամ իրականում առկա է Ղարաբաղի հարցում ռուս-ադրբեջանական գործարքի վտանգ, և Սերժ Սարգսյանը հրապարակավ մեսսիջ է հասցեագրում Մոսկվային: Համենայն դեպս, հայտարարության նման ոճն արտառոց է զգուշավորությամբ աչքի ընկնող Սարգսյանի համար:
