Սանկտ Պետերբուրգում ՌԴ նախագահ Վլադիմիր Պուտինի հետ հանդիպման ժամանակ Նիկոլ Փաշինյանն անդրադարձել է Լաչինի միջանցքում սեղծված իրավիճակին:

«Այս պահին գլխավոր և ամենահրատապ հարցը Լաչինի միջանցքում ստեղծված ճգնաժամն է: Գիտեք, արդեն գրեթե 20 օր է՝ Լաչինի միջանցքը փակ է: Հիշեցնեմ՝ համաձայն նոյեմբերի 9-ի եռակողմ հայտարարության, Լաչինի միջանցքը պետք է գտնվի ռուս խաղաղապահների վերահսկողության տակ. Ադրբեջանը երաշխավորել էր մարդկանց, բեռների անարգել անցումը:

Հիմա ստացվում է՝ միջանցքը ռուս խաղաղապահների վերահսկողության տակ չէ»,- ասել է նա՝ հավելելով, որ ցանկանում է քննարկել իրավիճակը: