Աղբյուրը` ԱՀ տեղեկատվական շտաբ

Տեսանյութը՝ Asekose.am-ի տելեգրամյան ալիքում:

Դիտեք նաեւ՝ Գազալցակայանի պայթյունի կադրերը

Թարմացված․ Արթուր Եղիազարյանը Ֆեյսբուքի իր էջում գրում է․

«ՇՏԱ՛Պ, ՏԱԳՆԱ՛Պ, ԱՂԱՉԱՆՔ

Հենց նոր սանիկս զանգեց Ստեփանակերտից։ Ասում է քաոսային վիճակ է այնտեղ՝ վառելիքի պահեստային ռեզերվուարի պայթյունից հետո։ Բազմաթիվ զոհեր, այրված ու մոխրացած մարդիկ։ 300-ից ավելի ծանր վիրավորներ՝ 3-րդ, 4-րդ աստիճանի այրվածքներով։ Ասում է անգամ մորֆի չկա, որ վիրավորների ցավերը մեղմեն։ Ասում է, որ շտապ այստեղ՝ Երևանում, լուծումներ գտնեն, օդային ճանապարհ բացեն՝ շտապ վիրավորվածներին հանելու կամ Հայաստանից, Կարմիր Խաչից, միջազգային բժշկական այլ կազմակերպությունից բժիշկներ ուղարկեն, եթե քիչ էլ ուշացնեն՝ զոհերի թիվն անհամեմատ ավելի մեծ է լինելու, ասում է անգամ վերջին պատերազմական օրերին այսպիսի մղձավանջային վիճակ չէր։

Խնդրում եմ, ով կարող է այդ կառույցներին ասել, որ շտապ օգնության հասնել՝ ժամ առաջ լուծում գտնեն»։

Թարմացված․ Արցախի տեղեկատվական շտաբը տեղեկացնում է, որ Ստեփանակերտ-Ասկերան ավտոճանապարհի հարակից տարածքում` բենզինի պահեստում, ուժեղ պայթյուն է տեղի ունեցել։
Այս պահին տեղում աշխատում են փրկարարական և բժշկական օպերատիվ խմբերը։
Կան զոհեր և վիրավորներ։ Այրվածքներ ստացած բազմաթիվ տուժածներ տեղափոխվել են բուժհաստատություններ։
Դեպքի մանրամասների վերաբերյալ տեղեկություններ կհրապարակվի ավելի ուշ։

Թարմացված․ Ռուսական խաղաղապահ զորակազմի բժիշկներն օգնություն են ցուցաբերում Ստեփանակերտում բենզալցակայանի պայթյունից տուժած բնակիչներին: Առավել ծանր վիրավորներին տեղափոխում են Հատուկ նշանակության բժշկական ստորաբաժանում: Այս մասին ասվում է ՌԴ խաղաղապահ առաքելության մամուլի ծառայության հաղորդագրության մեջ։

Արցախում աղետ է տեղի ունեցել։

Ցիստերնով բենզին է պայթել, կան շատ զոհեր 

Այս մասինն հայտնում է «Երկու հայրենիք» տելեգրամ ալիքը։

«Շատ ուժգին կայծակներ են եղել, գուցե և կայծակի հարվածից է պայթել»,-լրատվամիջոցներին հայտնել են Ստեփանակերտից։

Մանրամասները կհաղորդվեն ավելի ուշ