ԱԺ-ում քննարկվում էր Կառավարության կառուցվածքի մասին ՀՀ օրենքում փոփոխություններ և լրացումներ կատարելու մասին օրենքի նախագիծը, որով առաջարկվում է միավորել երկու՝ Տարարծքային կառավարման և Արտակարգ իրավիճակների նախարարությունները՝ ստեղծելով մեկ նախարարություն, որը կկոչվի Տարածքային կառավարման և արտակարգ իրավիճակների նախարարություն: Կստեղծվի նոր նախարարություն, որը կոչվելու է Միջազգային տնտեսական ինտեգրման և բարեփոխումների նախարարություն:
ՕԵԿ պատգամավոր Հովհաննես Մարգարյանն առաջարկեց նախարարությունների վերամիավորման եւ նոր՝ Միջազգային տնտեսական բարեփոխումների եւ ինտեգրման նախարարության փոխարեն ստեղծել «Հույսի եւ հավատի» նախարարություն, քանի որ օրեցօր ահագանցող արտագաղթի պատճառը հույսի և հավատի բացակայությունն է:
