Թանկացումները կշարունակվեն այնքան, մինչև ՀՀ-ն ամբողջությամբ դատարկվի: Այսօր՝ լրագրողների հետ հանդիպման ժամանակ այս կարծիքն է հայտնել տնտեսագետ Վարդան Բոստանջյանը:
«Իշխանության ներսում էլ՝ շատ է այն մարդկանց թիվը, որոնք հասկանում են, թե ինչ է կատարվում: Պարզապես ճնշող մեծամասնությունը մտածում է միայն ապրելու մասին: Նրանք չունեն փոքր-ինչ իրենց մտահոգությունը հայտնելու հնարավորություն: Քառյակի առաջարկած 12 կետն էլ քաղաքական յալանչիներն ու բոմժերը ասում են՝ սա համակարգային չէ: Իսկ այս կետերում առաջարկվում է վերացնել պետական թալանն ու գողությունը»:
Նրա խոսքով՝ էլեկտրաէներգիայի թանկացման համար ոչ մի հիմք չկա, անում են այն, ինչ որ ուզում են. «Ոչ մի փաստարկ հիմնավորված չէ, ծիծաղելի են դրանք: Ես զարմանում եմ, թե ինչի մայիսից չեն սկսել քերթել մեր կաշին»:
