ԱԺ-ում քննարկում են ՀՀ՝ ԵՏՄ մասին 2014թ. մայիսի 29-ի պայմանագրին միանալու վերաբերյալ փաստաթուղթը: Ֆինանսների նախարարի տեղակալ Սուրեն Կարայանին ուղղված պատգամավոր Խաչատրուր Քոքոբելյանի առաջին հարցը վերաբերում էր նրան, թե ՀՀ-ն կարոո՞ղ է ԵՏՄ ոչ անդամ երկրների՝ ասենք Չինաստանի, Վրաստանի, Իրանի հետ տնտեսական պայմանագիր կնքել:
Կարայանը պատասխանեց, որ համաձայնագրի համաձայն անդամ պետությունները համատեղ պետք է իրականացնեն առևտրային քաղաքականությունը: Եթե ՀՀ-ն նպատակահարմար գտնի 3-րդ երկրի հետ կապ հաստատել, ապա ԵՏՄ-ի առջև բարձրացնում է այդ հարցը: Ինքնուրույն չի կարող որոշել:
«Գաղափարախոսությունն է՝ համատեղ իրականացնել արտաքին առևտրային քաղաքականություն»,-ասաց փոխնախարարը:
Պատգամավորի հաջորդ հարցին, այն է, թե կոնկրետ ո՞ր ապանքներն են թանկանալու, Կարայանը պատասխանեց, որ դրանք թվելու համար կես ժամ 40 րոպե կպահանջվի:
