Արդեն տեղեկացրել ենք, որ Ստեփանավանում կայացած միջմարզային երիտասարդական մշակութային փառատոնին մասնակցեցին բազմաթիվ երիտասարդներ հանրապետության բոլոր մարզերից և Լեռնային Ղարաբաղի Հանրապետությունից:
«Տաշիր» բարեգործական հիմնադրամի ներկայացուցիչ Նարեկ Կարապետյանի խոսքով` առաջնայինն այն է, որ երիտասարդների համար ստեղծվում է համապատասխան հարթակ՝ ինքնադրսևորվելու, հաստատվելու, հանդիսատեսին ներկայանալու համար, ինչպես նաև հնարավորություն է ընձեռվում փոխադարձ շփումների, փորձի փոխանակության ու նաև երիտասարդներին հուզող տարաբնույթ հարցեր միասին քննարկելու:
