Ֆոտոլրագրող Գագիկ Շամշյանը հրապարակել է տեսանյութ, թե ինչպես է Երևանում վարորդական իրավունքից զրկված երգիչ Սարգիս Եղիազարյանը Սարալանջի ճանապարհին դուրս գալիս հանդիպակաց երթևեկելի գոտի, վթարային իրավիճակ ստեղծում հանդիպակաց երթևեկող ավտոմեքենաների համար, ապա բախվում Mitsubishi մակնիշի ավտոմեքենային։ Աղբյուրի տեղեկություններով՝ Ս. Եղիազարյանն անգամ չի իջել ավտոմեքենայից և հետաքրքրվել, թե ինչ վիճակում են գտնվում Mitsubishi-ի վարորդն ու ուղևորները։

Ինչպես ավելի վաղ հաղորդվել էր, դեկտեմբերի 17-ին խոշոր ավտովթար էր տեղի ուենցել Երևանում։ Ժամը 20։10-ի սահմաններում Սարալանջի հին ճանապարհին՝ ժողովրդին հայտնի «Կուկուրուզնիկ»-ի հարևանությամբ, Mercedes մակնիշի ավտոմեքենան դուրս էր եկել հանդիպակաց երթևեկելի գոտի և ճակատային բախվել Mitsubishi մակնիշի ավտոմեքենային։ Վթարի հետևանքով 1 հոգի մարմնական վնասվածքներով տեղափոխվել էր հիվանդանոց։

Դիտեք նաև՝