Ստամբուլում ազգայնամոլ ցուցարարները հակառուսական բողոքի ակցիա են իրականացրել՝ բողոքելով Սիրիայում թուրքմեններով բնակեցված շրջանների ռմբակոծումը, որին մասնակցել են Ռուսաստանի ռազմաօդային ուժերը: Հայտնում է թուրքական «Sondakika» լրատվական կայքը:
Ցուցարարները բողոքի երթ են կազմակերպել Ստամբուլի կենտրոնական Իստիքլալ պողոտայում և երթի ավարտին կանգ առել ոչ թե Ռուսաստանի, այլ Նիդերլանդների դեսպանատան առաջ: Բանն այն է, որ երկու երկրների դեսպանատները գտնվում են կողք կողքի՝ 100 մ հեռավորությամբ: Դրոշների նմանությունը շփոթության մեջ է գցել ցուցարարներին և վերջիններս Ռուսաստանի դեսպանատան փոխարեն, ձվեր են նետել Նիդերլանդների դեսպանատան վրա:
Ստամբուլում Նիդերլանդների դեսպան Ռոբերտ Շուդդեբումը իր թվիթերյան էջում հրապարակել է ցուցարարների լուսանկարը՝ գրելով «Զայրացած թուրք ցուցարարները մեզ հաճախ են շփոթում մեր հարևանների հետ, ինչպես դա եղավ այսօր»:
Աղբյուր` Ermenihaber.am
