ermenihaber-ը գրում է.Թուրքիայում մոտակա ժամանակներս տեղի է ունենալու ռուսական մաֆիայի ժողով: Թուրքական «haberler» լրատվական կայքը ,հղում անելով ռուսական «Rosbalt» լրատվական գործակալությանը, նշում է, որ ժողովին մասնակցելու էն ավելի քան 100 «օրենքով գողեր»: Որոշ վարկածների համաձայն` ի սկբանե ժողովը պետք է տեղի ունենար Մոսկվայում, որտեղ հավաքվելու էին 300 «օրենքով գողեր»: Ժողովը նախագահելու էր ոմն Զախարիյ Քալաշովը, որը մեծ հեղինակություն է վայելում ռուսական քրեական աշխարհում: Սակայն ռուսական անվտանգության աշխատակիցները զգուշացրել են, որ նման հավաքում Ռուսաստանում չի կարող տեղի ունենալ: Այդ իսկ պատճառով, ոմն Գելա Կարդավան, Զաքարիյ Քալաշովի հետ ձեռք բերված համաձայնությամբ նախատեսվող ժողովը տեղափոխել է Թուրքիա:Աղբյուրը չի մանրամասնում, թե Թուրքիայի որ քաղաքում է տեղի ունենալու ժողովը:
