ԱԺ «Հայաստան» խմբակցության պատգամավոր Գեղամ Մանուկյանը ֆեյսբուքյան իր էջում տեսանյութ է հրապարակել՝ կից գրելով․ «Զորահանդես, որ դարձավ նախընտրական քարոզչության, ուրացման գործիք։
Ինչի՞ մասին խուսափեցին խոսել իշխանավորները, որ կոծկեն Բանակի դեմ գործած ավերները...»։

Անադրադառնալով Մայիսի 28-ի շքերթին, մասնավորապես ասում է․ «Այս ռազմական շքերթի կարևորագույն տարրերից մեկը այն տեքստերը, ուղերձներն էին, որ հնչում էին շքերթի ժամանակ։ Իսկ այդ ուղերձն ուղղակի ուրացում է այն ամենի նկատմամաբ, ինչ տեղի է ունեցել 92թ․ ՀՀ զինված ուժերի ստեղծումից հետո։ Անցնում էին կորպուսներ, որոնց մասին ոչինչ չասվեց, ուրացում էր, որովհետև նույն գեներալի կոչում ստացածներն այլևս ուրացան Արցախի Հանրապետության կողմից ստսցսծ շքանշանները ու շուրջ մեկ տարի է, ինչ ստիպում են սպաներին փոխել Արցախից ստացված շքանշանների պատկերները։

Ինչ վերաբերում է այն բովանդակությանը, որ իշխանությունը փորձում էր հաղորդել, թե 22թ-ից հետո գնված զենքերն են ցուցադրում․ իսկ 22թ-ից առաջ այն ամենը ինչ ձեռք էր բերվել՝ մեր ԶՈւ սպառազինության մաս չէ՞, թե՞ բանակը դարձել է սևերի ու սպիտակների»։