Տաթև Քարամյանի ֆեյսբուքյան գրառումը՝ կից տեսանյութով. «Շները կրկեսի զվարճանքի միջոց չեն։ Նրանք կենդանի էակներ են, որոնք զգում են ցավ, վախ և սթրես։
Կրկեսի բեմում մենք տեսնում ենք շների, որոնք ցատկում են օղակների միջով, կանգնում հետևի թաթերի վրա, պարում, կատարում տարբեր հնարքներ և արժանանում հանդիսատեսի ծափահարություններին։
Բայց երբևէ մտածե՞լ եք՝ ինչ է թաքնված այդ «զվարճալի» համարների հետևում։
Որքա՞ն վարժեցում, հարկադրանք, վախ և պատիժ է պահանջվում կենդանուն ստիպելու համար անել այն, ինչն իր բնական վարքագծի մեջ չէ։
Շունը ծնված չէ մարդկանց զվարճացնելու համար։ Նա ծնված է ապրելու, խաղալու, ուսումնասիրելու աշխարհը, սիրելու և սիրված լինելու համար։
Նրա հավատարմությունը, վստահությունն ու սերը չպետք է օգտագործվեն շահույթ ստանալու նպատակով։
Մենք սովոր ենք խոսել շների հանդեպ սիրո մասին, բայց իրական սերը սկսվում է այնտեղ, որտեղ ավարտվում է շահագործումը։
Մի՛ աջակցեք կենդանիների շահագործմանը։ Մի՛ գնեք տոմսեր այն ներկայացումների համար, որտեղ շները վերածվում են զվարճանքի գործիքի։ Մենք այդպես նպաստում ենք այս հանցանքին:
Շունը կրկեսի արտիստ չէ։ Նա ընկեր է, ոչ թե բեմական ռեկվիզիտ»։
