Երեկ, լրագրող Դերենիկ Մալխասյանը Սիվիլնեթի հետ հարցազրույցի ժամանակ, խոսելով Բարգավաճ Հայաստանի քաղաքական գործունեության մասին, առաջ քաշեց այն թեզը, որ ԲՀԿ-ի պատասխանը իշխանություններին պետք է լինի ավելի կոպիտ, անհամաչափ, հակառակ դեպքում Բարգավաճը կհեղինակազրկվի:
Հարկ է նշել, որ նման տեսակետ հայտնել է նաև ԲՀԿ խմբակցության ներկայացուցիչ Վահագն Մախսուդյանը: Վերոգրյալ երկու կարծիքները հնչել են ակնհայտ պրոքոչարյանական հարթակից:
Կարելի է եզրակացնել, որ ԲՀԿ-ն այսօր կանգնած է կարևոր որոշման առջև: Մի կողմից Ռոբերտ Քոչարյանը մղում է կոշտ քայլերի, իսկ մյուս կողմից էլ ԲՀԿ-ն այսօր, հասկանալի պատճառներով, չի կարող իշխանությունների հետ բախումների գնալ:
Իշխանության` ԲՀԿ-ի գործողություններին վերաբերյալ պատասխանից պարզ է դառնում, որ վերջիններս ԲՀԿ-ին «նախազգուշացնում են» կողմնորոշվել. կամ լինել իրական ընդիմություն դրա հնարավոր բոլոր հետևանքներով, կամ իշխանության հետ համագործակցության եզրեր գտնել (պարտադիր չէ կոալիցիայի տեսքով):
Կարծում եմ` ԲՀԿ-ի համար մանևրելու ժամանակն արդեն սպառվել է, նա պետք է հստակ կողմնորոշվի:
