ԱԺ արտաքին հարաբերությունների հանձնաժողովը մերժեց «Արցախի Հանրապետությունը ճանաչելու մասին» պատգամավորներ Զարուհի Փոստանջյանի եւ Հրանտ Բագրատյանի հեղինակած օրինագիծը դրական եզրակացությամբ ԱԺ նիստերի օրակարգում ընդգրկել:
Ելույթներից հետո, օրինագիծը դրվեց քվեարկության, որին կողմ քվեարկեց միայն «Ժառանգություն» խմբակցությունից Թեւան Պողոսյանը: Դեմ քվեարկեց ՀՀԿ խմբակցությունից Համլետ Հարությունյանը, իսկ մյուսները չմասնակցեցին քվեարկությանը եւ հարցը չընդունվեց:
Հանձնաժողովի նախագահ Արտակ Զաքարյանը հայտարարեց, որ հեղինակների օրինագիծը ԱԺ օրակարգ չի մտնի: Իսկ մինչ քվեարկությունը պատճառաբանեց՝ «դեռևս ժամանակը չէ, բայց այդ ժամանակը հեռու չէ»:
