▲ Դեպի վեր

lang.iso lang.iso lang.iso

Արտակարգ դեպք Երևանում. ծեծկռտուք է եղել դպրոցականների եւ ուսանողների միջեւ. 9 հոգի բերման է ենթարկվել

Հոկտեմբերի 24-ին Երևանի Դավիթաշեն վարչական շրջանում տեղի է ունեցել վիճաբանություն-ծեծկռտուք:

Այդ օրը՝ ժամը 16:50-ի սահմաններում, ոստիկանության Երևան քաղաքի վարչության օպերատիվ կառավարման կենտրոն ահազանգ է ստացվել, որ Դավիթաշեն թաղամասում վիճաբանություն է տեղի ունենում:

shamshyan.com-ն է գրում և նշում, որ ժամանել են ոստիկանության Մաշտոցի բաժնի քրեական հետախուզության բաժանմունքի և ոստիկանության Երևան քաղաքի վարչության ՊՊԾ գնդի 3-րդ վաշտի ծառայողները: Ոստիկանները պարզել են, որ վիճաբանությունը տեղի է ունեցել Դավիթշեն 2-րդ թաղամասում գտնվող զբոսայգում, որին մասնակցություն են ունեցել Կոտայքի մարզի Քանաքեռավան գյուղի բնակիչներ, 17-ամյա Նարեկ Շ.-ն, 16-ամյա Արսեն Խ.-ն, 16-ամյա Կարեն Բ.-ն, 16-ամյա Գագիկ Պ.-ն, 17-ամյա Ստեփան Ս.-ն, Սպիտակ քաղաքի բնակիչ, 15-ամյա Սերյոժա Հ.-ն, Երևան քաղաքի Դավիթաշեն վարչական շրջանի բնակիչներ, 16-ամյա Գագիկ Դ.-ն, 14-ամյա Մարատ Հ.-ն և 14-ամյա Նարեկ Գ.-ն: Վերջիններս վիճաբանության ժամանակ փոխադարձ հարվածներ են հասցրել միմյանց, ինչի հետևանքով Սերյոժա Հ.-ն քթի վնասվածքով տեղափոխվել է «Սուրբ Աստվածամայր» բժշկական կենտրոն:

Ոստիկանության Մաշտոցի բաժնի քրեական հետախուզության և անչափահասների գործերով բաժանմունքների ծառայողները հայտնաբերել են նշված անձանց և տեղափոխել ոստիկանություն, իսկ մի քանիսին էլ հայտնաբերել են տարված բացատրական աշխատանքների շնորհիվ:

Վիճաբանության բոլոր մասնակիցները որոշ ժամանակ անց բաց են թողնվել: Գ. Շամշյանի տեղեկություններով՝ նրանց մի մասը սովորում է Քանաքեռավանի ավագ դպրոցում, մի մասը՝ Զարդարվեստի ուսումնարանում, մի մասը՝ Մշակույթի պետականա քոլեջում, մի մասն էլ՝ Դավիթաշենում գործող դպրոցներից մեկում:

Վերահրապարակումներում` մտքերն ու ինֆորմացիան կարող են չհամընկնել խմբագրության տեսակետի հետ: Ձեր տեսակետը կամ հերքումը կարող եք ուղարկել info@asekose.am-ին
Պատահարներ ավելին