Լրագրող Ոսկան Սարգսյանի գրառումը․
«ԱԽՔ-Ը ՀՈՒՅՍ ՈՒՆԻ ԻՇԽԱՆՈՒԹՅԱՆ ՄՆԱԼ՝ ՕՏԱՐ ՍՎԻՆՆԵՐԻՆ ՆՍՏԱԾ
Հայաստանի անվտանգության խորհրդի քարտուղար (ԱԽՔ) Արմեն Գրիգորյանը հանրային հեռուստաընկերության տված հարցազրույցում անդրադառնալով քննադատությանը, որ ՀԱՊԿ-ը ժամանակին չօգնեց Հայաստանին, ինչո՞ւ է Հայաստանն այժմ արձագանքում, ասել է․ «Մենք ոչ թե նեղացած երիտասարդի պես պետք է ասենք՝ դուք չեք արել, մենք էլ չենք անի, այլ մենք պատասխանատվություն ենք վերցրել, պատմության մեջ երևի առաջին անգամ ՀԱՊԿ մեխանիզմներն աշխատեցրել ենք, ցույց ենք տվել, թե ինչպես պետք է աշխատի: Հույս ունենք, որ եթե Հայաստանը հետագայում նման իրավիճակում հայտնվի, կստանա ամապատասխան օգնություն»: Արմեն Գրիգորյանը հույս ունի, որ Նիկոլ Փաշինյանի իշխանության դեմ զանգվածային ընդվզման դեպքում իրենք օգնության կկանչեն ՀԱՊԿ-ի՝ Ռուսաստանի, Բելոռուսի, Ղազախստանի, Ղրղզստանի, Տաջիկստանի զորքերին, որոնք կգյուլլեն ընդվզողներին, իրենք էլ կնստեն օտար սվինների վրա, չհասկանալով, որ սվինների վրա նստելը շատ ցավոտ է լինելու»։
