ՀՀ ԱԻՆ հիդրոմետ ծառայության օդերևութաբանության կենտրոնի պետ Գագիկ Սուրենյանն այսօրվա ասուլիսի ժամանակ հայտարարեց, որ օդի ջերմաստիճանը տեղումների քանակը դեկտեմբեր, հունվար և փետրվար ամիսներին լինելու է նորմայի սահմաններում:
Ըստ նրա՝ միջին ջերմաստիճան ասվածը դեռ պատկերացում չի տալիս՝ լինելու է տաք, թե ցուրտ: Հնարավոր է՝ 15 օր տաք լինի, 15 օր՝ ցուրտ և դրա միջին ցուցանիշը լինի նորմայի սահմաններում:
Տաք հոսանքների ներթափանցման դեպքում ցերեկային ժամերին ամենաբարձր ջերմաստիճանը գրանցվելու է Տավուշում՝ 13 աստիճան, ցուրտ հոսանքների ներթափանցման դեպքում ամենացածր ջերմաստիճանը լինելու է -30-ը՝ Շիրակում, Գեղարքունիքում, Արագածոտնի, Կոտայքի և Վայոց Ձորի լեռներում:
