Վարչապետ Նիկոլ Փաշինյանը ապրիլի 7-ի ՌԴ նախագահ Պուտինի հետ հանդիպման ընդառաջ ինքնամեկուսացվել է ու չի մասնակցելու Մեծ Զատիկի Պատարագին։
Հասարակության լայն շերտերի մոտ սակայն քննարկումներ են գնում այն մասին, որ վարչապետը անտեսում է եկեղեցին ու այդպիսով դեմարշ անում եկեղեցու դեմ։ Հիշեցնենք, որ Փաշինյանը չէր մասնակցել նաև Սուրբ Ծննդյան Պատարագին։
ArmDaily.am-ի հետ զրույցում Միքայել եպիսկոպոս Աջապահյանն ասել է, որ չի կարծում, թե դա եկեղեցու դեմ դեմարշ է։
«Ես ավելի շատ կարծում եմ, որ երես չունի գալու` չի գալիս։ Ինչ դեմարշ։ Իր գալով կամ չգալով եկեղեցին ոչ իր առաքելությունից է շեղվելու, ոչ էլ տոնական մթնոլորտ է խաթարվելու։ Անշուշտ, դա շատ վատ է երկրի համար, մթնոլորտի համար, բայց ինքն արդեն այն մարդն է, որ իրապես երես չպիտի ունենա եկեղեցի մտնելու», - ասաց սրբազանը։
Միքայել արքեպիսկոպոս Աջապահյանը հավելել է, որ Փաշինյանը գիտի, որ անցանկալի անձ է` այդ իսկ պատճառով խուսափում է։
