«Բարգավաճ Հայաստան» կուսակցության ղեկավար Գագիկ Ծառուկյանի որդու հարսանեկան խնջույքի ավարտից հետո գիշերային ժամին հրավառություն կատարելու համար Գ. Ծառուկյանը կտուգանվի։
ՀՀ ոստիկանության հասարակայնության հետ կապերի և լրատվության վարչությունից «Փաստինֆո»-ի հետ զրույցում նշել են, որ ապրիլի 11-ին Կոտայքի մարզի «Փարավոն» ռեստորանային համալիրում իրականացվել է հրավառություն՝ չպահպանելով «Վարչական իրավախախտումների վերաբերյալ» օրենսգրքի 180-րդ հոդվածի պահանջները։
Հիշեցնենք, որ ապրիլի 10-ին «Փարավոն» ռեստորանային համալիրում կայացել է Գագիկ Ծառուկյանի որդու՝ Նվեր Ծառուկյանի հարսանյաց խնջույքը, ինչին հաջորդել է շուրջ 40 րոպե տևողությամբ հրավառություն։
