ԼՂՀ ԳՆ սննդամթերքի անվտանգության պետական ծառայությունը հաց արտադրող ընկերությունների հետ պայմանավորվածություն է ձեռք բերել, որպեսզի սեղմ ժամկետներում վերջիններս իրենց արտադրանքը վաճառքի կետեր տեղափոխեն սննդի համար նախատեսված տոպրակներում։ Գործընթացի հստակ ժամկետների մասին «Արցախպրես»-ի թղթակցի հարցադրմանն ի պատասխան, սննդամթերքի անվտանգության պետական ծառայության պետ Լևոն Սարգսյանը պատասխանել է.
«Տնտեսվարողների կողմից փաթեթավորմամբ հացի իրացման գործընթացն արդեն մեկնարկել է։ Պետք է հետևենք, որպեսզի բոլոր տնտեսվարողներն առավել սեղմ ժամկետներում անցնեն հացը փաթեթավորմամբ իրացնելուն։
Հաջորդ շաբաթ ստուգելու ենք իրավիճակը՝ պարզելու, առաջընթաց կաˆ, է թե՝ ոչ։ Սպառողների հետ համագործակցելով՝ ձգտելու ենք հնարավորինս հարցին արագ լուծում տալ»։
Ի դեպ, Ստեփանակերտի մի շարք խանութներից պարզեցինք, որ արդեն մի քանի օր է՝ որոշ տնտեսվարողների կողմից հացամթերքն ստանում են համապատասխան փաթեթավորմամբ։