ՄԱԿ-ի գլխավոր ասամբլեան 1993թ.-ին կազմակերպության անդամ երկրներին կոչ է արել ամեն տարի մայիսի 15-ը որպես Ընտանիքի միջազգային օր տոնել։
2011թ. փետրվարի 9-ին ԱԺ-ն ընդունեց «ՀՀ տոների և հիշատակի օրերի մասին» ՀՀ օրենքում լրացում կատարելու մասին» օրենքը, որով մայիսի 15-ն ամրագրվեց որպես Ընտանիքի օր:
Օրենքի ընդունման անհրաժեշտությունը պատգամավորները պայմանավորեցին նրանով, որ ընտանիքը, լինելով հասարակության բնական և հիմնական բջիջը, Հայաստանի Հանրապետությունում գտնվում է պետության հովանավորության և պաշտպանության ներքո:
«Հայ ընտանիքն իր բոլոր կողմերով, հատկապես ավանդական կառուցվածքով, շատ երկրների համար կարող է օրինակ ծառայել: Այսօր կողք կողքի գնում են ավանդույթ ու ժամանակակից արժեքները: Եթե փորձենք բնութագրել երիտասարդ ընտանիքը, ապա ստացվում է հետևյալ պատկերը. նորաստեղծ ընտանիքների մեծ մասն ուզում է ծնողներից առանձին ապրել»,-լրագրողների հետ հանդիպման ժամանակ ասաց հոգեբան Մարիամ Մեհրաբյանը:
Անի Կարապետյան
