Արդեն տեղեկացրել ենք, որ Լեհաստանի նախագահական պալատը մայիսի 28-ին լուսավորվել է հայկական դրոշի գույներով՝ Հայաստանի Առաջին Հանրապետության 100-ամյակի առթիվ:
Այդ մասին հայտնել էր է Լեհաստանում ՀՀ դեսպանատունը:
«Լեհաստանի նախագահական պալատը 2018 թվականի մայիսի 28-ին՝ Հայաստանի Առաջին Հանրապետության հռչակման 100-ամյակի առթիվ: Շնորհակալություն Լեհաստան»,-ասվում էր դեսպանատան ֆեյսբուքյան գրառման մեջ։
Նյութը հրապարակելուց հետո պարզ է դարձել, որ Լեհաստանի նախագահական պալատը լուսավորվել է ոչ միայն հայկական, այլ նաև ադրբեջանական դրոշի գույներով, քանի որ մայիսի 28-ին նշվում էր նաև Ադրբեջանական հանրապետության հիմնադրման հարյուրամյակը:
Ի դեպ, Հայաստանի և Ադրբեջանի դրոշները եղել են իրար կողք, ինչի առիթով ֆեյսբուքյան որոշ օգտատերեր իրենց տարակուսանքն են հայտնել:
«Լեհաստանում մեր դեսպանը կասի՞, սա ինչ է՞»-գրել է Արման Գալստյանը, շատերն էլ պարզապես տարածել են լուսանկարը՝ անգլերեն «խաղաղություն» հեշթեգով:
Տեսանյութը՝ Հրաչ Մանրիկյանի ֆեյսբուքյան էջից