Լրագրող Նարինե Կիրակոսյանի ֆեյսբուքյան գրառումը․ «Կառավարության նիստ է։ Նիկոլ Փաշինյանը զարմանք ու զայրույթ է ցուցադրում, որ ինչ-որ համայնքներում շատ էժանով, չուծ լի 100 դրամով հողեր են ծախել ու հրահանգում է ՏԿԵ նախարարությանը մեկ ամսում ձև գտնել ու թույլ չտալ շուկայականից ցածր գներով հողերի վաճառքը։
Ուղիղ եթերի տակ էլ մի ծափահարություններ, մի վարչապետի «խելքով» հպարտացող մեկնաբանություններ ...
Իսկ ես զարմանում եմ այդ նիստի մասնակիցների ընկալման վրա, որ քծնանքով Փաշինյանի երգի դամն են պահում։
Շատ հետաքրքիր է, երբ Արցախը ուրանում էր ու հանձնում Ալիևին, քանիսո՞վ էր գինը բարիշել։ Թե Արցախը Հայաստանը թուրքին տալու ընդամենը բեհն էր։ Էն 5 հազար +- հայորդիներին էլ սպանել տվեց, որ առևտրի գործարքը խանգարող չլինի։
Հող ծախողը վրդովվում է, թե հողը էժան են ծախում գյուղերում, մոռանալով Որոտանը, Կիրանցը»։

Այսօր Կառավարության նիստի ժամանակ Գլխավոր դատախազ Աննա Վարդապետյանը առաջարկեց փոխել համայնքային գույքերի աճուրդների անցկացման կարգը: «Ներկայում մի քանի հարթակում ձևական հայտարարություն են իրականացնում՝ գործընթացը համարելով հրապարակային: Այս հարցում խնդիր ունենք, և սա համայնքների պարտականությունն է, ոչ թե կառավարության», - նշել է Վարդապետյանը: Նա նաև բարձրաձայնել է արոտավայրերի խնդիրը՝ «Այսօր ունենք իրավիճակներ, երբ փաստացի արոտավայրի տարածքում այգի է կառուցված, սակայն հողերը շարունակում են հաշվառվել որպես արոտավայր»:
Վարչապետ Նիկոլ Փաշինյանը, ևս անդրադառնալով խնդրին, ցածր գներով համայնքային գույքի «ձևական աճուրդներին», վարձակալություններին ասաց․ «Ո՞նց կարող է 100 դրամով հող վաճառվել, արգելե՛ք, ոչ մի հող 100 դրամով մի՛ վաճառեք․․․Շատ կոնկրետ միջոցներ են պետք կիրառել․․․Ինձ չի հետաքրքրում, ոստիկանությունով, ԱԱԾ-ով, ոնց ուզում եք կանգնեցրեք»,- հանձնարարեց Փաշինյանը։