▲ Դեպի վեր

lang.iso lang.iso lang.iso

ՎԵՐՋԻՆ ԼՈւՐԵՐԸ

Բոլոր խնդիրների հիմքում՝ համասեռամոլություն և այլն,քայքայիչ աղանդն է,որի անունն է մարդու իրավունքներ

«Երևանում քայլելիս կարծես քո տանը քայլես». Մարիամ Փաշինյան

Հայաստան մշտական բնակության տեղափոխվողներն անձնական իրերն արդեն կարող են ներմուծել առանց. . .

Շոկոլադի, սուրճի եւ ընկուզեղենի ծախսի մասին

Թորոսյանը աշխատանքից ազատում է Դավիդյանցին և Նորքի ինֆեկցիոնի տնօրեն է նշանակում սորոսական. . .

Պարետը նոր կանոններ է սահմանել մարզասրահներում և լողավազաններում անվտանգության պահպանման համար

Ողբերգական դեպք` Երևանում. մինչ կինը լոգարանում է եղել, ամուսինը ինքնասպանություն է գործել

Ինչպե՞ս են Երևանում աղջիկները խոտերին պառկած համբուրվում ու «շոյում» միմյանց

Շրջակա միջավայրի նախարարի հանձարարականով կկասեցվի «Սպիտակ Շորժա» հանգստի գոտու գործունեությունը

Հայկո ջան, Մաշտոցի պուրակն էլի կաֆե-մաֆե են սարքում, օր, ժամ ասա, որ դուրս գանք պայքարի․․․

Շատ հնարավոր է, որ Վանաձորի համայնքապետը հայտնվի նույն տեղում, որտեղ իր ՀՀԿ-ական նախկիններն. . .

Մոտ 80 քաղաքացիներ երրորդ օրն է գտնվում են Բագրատաշենի անցակետին հարող տարածքում

Երևանի ավագանու «Իմ քայլի» անդամ Գայանե Մելքոմ Մելքոմյանն է, ով պայքարում էր Մաշտոցի պուրակի. . .

Ո՞վ է Հակոբ Արշակյանի նորանշանակ տեղակալ Վիկտորյա Պողոսյանն ու ի՞նչ կենսագրություն ունի

Նույնիսկ, եթե ձեռքս դողա, ես պինդ բռնել եմ քեզ, միայն թե` ձեռքդ տուր. Նազենի Հովհաննիսյան 

Փաշինյանն ընդունել է գինի և կոնյակ արտադրող ընկերությունների ներկայացուցիչներին

Հիմա հասկանում եմ՝ ինչու էր գրառումս Հայաստանում այդքան մեծ աղմուկ բարձրացրել. Մարգարիտա Սիմոնյան

Հայբիզնեսբանկի խորհրդի անդամների ցանկն ուսումնասիրեցի, տեսնեմ՝ ԱԱԾ նախկին փոխտնօրեն Արզուման. . .

Կոռուպցիա՞. չէ, ի՞նչ եք ասում... Թեհմինա Վարդանյան

ՊԵԿ-ը հայտնաբերել է մաքսային հսկողությունից թաքցված տարբեր տեսակի ապրանքներ

Նման բան թուրքերն արել են տասնամյակներ շարունակ ու հիմա 7 հայ ստորագրում է դրա տակ. Պատմաբան

Ինչպե՞ս կարելի է հաշտեցնել կողմերին, երբ մեկը զոհ է, մյուսը՝ ոճրագործ

Է՛լ դավադրություն, է՛լ թուրքեր, է՛լ ազգային դիմագիծ ու հայրենասիրություն. Պետրոս Ղազարյան

Ամոթ, աբուռ ունե՞ք, խեղճ վարչապետը ինչքա՞ն կարող է ձեր «թիկունքը» ծածկել

«Լիդիան Արմենիան» դատական հայցադիմումներ է ներկայացնելու

Պարոն Մարության, Մեսչյան ես ավելին էի սպասում ձեզանից․ Սոֆյա Հովսեփյան

Դանակը թափահարելով հարձակվել է ոստիկանների վրա. երկու եղբայրներ ձերբակալվել են

Իշխանության կողմից հայկականության դեմ արշավը երկու տարի է՝ տեղի է ունենում․ Էդուարդ Շարմազանով

17.6 մլն դրամի տուգանք «Ալեքս էնդ հոլդինգի» եւ «Սիթիի» ՍՊԸ-ների նկատմամբ. ՏՄՊՊՀ

Հեռացնում են Մաշտոցի պուրակի սրճարանի տարածքում կտրած ծառի արմատները

Երբ հպարտ քաղաքացուն դնչկալ չկրելու համար տուգանում են լողափում, սա է պետականության. . .

Նորքի այգիները վաճառքի են հանվել. Վահագն Վարագյան

Սիրո՛ւն չի, հե՛չ սիրուն չի. Լալա Մնեյան

Մահացել է ևս 8 անձ, վարակվածների թիվն աճել է 52-ով` հասնելով 39102-ի

Ասֆալտապատվում է Մակարավանք տանող ճանապարհը․ Պապիկյանը տեսանյութ է հրապարակել

Օդային իրադրության մասին շրջանառվող տեղեկությունն իրականությանը չի համապատասխանում

Բորիս Նեմցովի 18-ամյա դուստրն ամուսնացել է հայի հետ

Ես ոնց որ անջուր ավազան լինեմ ․․․ Նազենի Հովհաննիսյան

Դեբեդի ջրերին են խառնվում լքված հանքերի և պոչամբարների թափոնները. բնապահպանն ահազանգում է

Հիմա հասկանալի է, թե ինչու 2018-ին մերժվեց իմ համերգային նախագիծը․ Վահան Արծրունի

Արտառոց դեպք. դրոնի միջոցով «Kinder» ձվիկի մեջ տեղադրված թմրանյութը փորձել են հասցնել դատապարտյալին

«Մարդիկ սկսում են հասկանալ, որ այս ֆարսը հետապնդում է ավելի մեծ նպատակ». Արթուր Ղազինյան

Ինչպե՞ս է Սամվել Ալեքսանյանը վոլեյբոլ խաղում Սևանի ափին, ապա պատժում պարտվողներին

Աղի լճի կողքի աղբի «լիճը»․ Արթուր Իսպիրյանը տեսանյութ է ներկայացրել

Ինչո՞ւ Վանոն պիտի չլիներ․ Նաիրա Զոհրաբյան

Ռոբերտ Քոչարյանը որդու հետ իր հանգիստն է անցկացնում Սեւանում

Թատրոնը չզարգացավ, որովհետև հայ եկեղեցին թատրոնը համարում էր յուրովի սատանայություն. ԿԳՍՄ փոխնախարար

Իսրայելի ադրբեջանական համայնքում հայկական եկեղեցու դեմ ծրագրված սադրանքի հրավերներ են տարածվում

«Երևանի քաղաքապետի ապտակը երևանցիներիս». Արմեն Բեգոյան

Որդին պնդում է՝ Վրաստանում վթարի հետևանքով մահացած հոր դիակի փոխարեն այլ դի են բերել

Ժամանակն է սկսել նոր էջից. Միքայել Մինասյան

Սուրբ Աթոռում Հայաստանի նախկին դեսպան Միքայել Մինասյանը ֆեյսբուքյան իր էջում գրառում է կատարել.

«Որքան հասկանում եմ, բոլորը համաձայն են իմ վերջին հարցազրույցում հայտնած տեսակետի հետ, որ հնին վերադարձ չկա: Այլ հարց է, որ, դատելով արձագանքներից, ոչ ոք իրեն հին չի համարում։ Եվ, որպեսզի անհասկացվածություն չլինի, մանրամասնեմ` ինչ նկատի ունեմ։
Իմ դիտարկմամբ Հայաստանն այսօր գտնվում է մեծ ընտրության խաչմերուկում, պատմության նոր գլուխ սկսելու հնարավորության առաջ, որտեղ հասարակությունն իր համար պետք է որոշի. վերադառնու՞մ է հնին, շարունակու՞մ է հին էջից, թե սկսում է նոր էջից` նոր հերոսներով ու նոր շարադրանքով։ Ու որպեսզի դա տեղի ունենա, մեր հասարակությունը՝ երկրի ներսում և դրսում, պետք է որոշում ընդունի։
Պետք է որոշի՝ եթե հնին վերադարձ չկա, ապա չի կարելի չհաշտվել սեփական անցյալի հետ, այն փորփրել, խմբագրել ու վերախմբագրել, շարադրել ու վերաշարադրել։ Հնին վերադարձ չկա, ու որպեսզի հինը չվերադառնա, պետք է հանգիստ թողնել անցյալը, չնեղանալ այդ անցյալից, ավելորդ չուռճացնել կամ չփոխել այն։ Անցյալի հետ պետք է ոչ թե կռվել, այլ հաշտվել։ Վերլուծել այն, հասկանալ սխալները՝ ապագայում չկրկնելու համար։

Հնին վերադարձ չկա, որովհետև հակառակ դեպքում առաջընթացի չափման միավորը երեկվա ու այսօրի միջև է: Որովհետև այդ դեպքում նշաձողը երազանքը չէ, նշաձողը՝ հատվածական, կարճաժամկետ «բավարարվածությունն» է։
Հնին վերադարձ չկա, բայց վերադառնում են նախկին առաջնորդները. ընդ որում, դա անում են ստիպված, պարտադրված։ Որովհետև, ցավոք սրտի, վերջին 100 տարում մենք, խոշոր հաշվով, այդպես էլ չկարողացանք մեր առաջնորդներին ճանապարհել մեծարելով ու շնորհակալություն հայտնելով, նրանց մասին խոսել առանց վիրավորանքի՝ նկատելով թերացումները և ընդգծելով ձեռքբերումները։

Նայե՛նք մեր վերջին 100 տարվա պատմությանը. այս կամ այն կերպ, ժամանակի այս կամ այն կանգառում, այս կամ այն նպատակով պիտակավորում ենք, մոռացության ենք տալիս, երբեմն էլ փորձում ենք ուղղակի ջնջել մեր բոլոր առաջնորդների գործերը՝ Քաջազնունուց, Արամ Մանուկյանից ու Սիմոն Վրացյանից մինչև Խանջյան, Կարեն Դեմիրճյան ու Սերժ Սարգսյան։
Անցյալի առաջնորդները վերադառնում են, որովհետև տեսնում են, թե երբեմն որքան անխնա են վարվում իրենց թողած ժառանգության և հենց իրենց անվան հետ։ Կարեն Դեմիրճյանին սկզբում սիրեցինք, հետո արհամարհեցինք, հետո կարոտեցինք, հետո վերադարձրեցինք, իսկ վերջում՝ կորցրեցինք։ Խորհրդային մյուս առաջնորդների` Զարուբյանի, Քոչինյանի ու Սուրեն Հարությունյանի գործը կա՛մ մոռացել ենք, կա՛մ անտեսել՝ առանց հիշատակելու նրանց վաստակը։

/filemanager/uploads/2019/08/week-3/Mikael_Minasyan.jpg
Երևի նաև այդ պատճառով 2008թ. Լևոն Տեր-Պետրոսյանը վերադարձավ քաղաքականություն։ Հենց այդ պատճառով է, որ Ռոբերտ Քոչարյանն այժմ վերադառնում քաղաքականություն, իսկ Սերժ Սարգսյանը չի հեռանում քաղաքականությունից։ Որովհետև այդպիսի վերաբերմունքը մղձավանջ է ցանկացած քաղաքական առաջնորդի համար, ով որոշում է իր կյանքն ու ճակատագիրը նվիրել սեփական երկրին։

Երկիրը պետք է ապրի տրամաբանական կենսափուլերով և քաղաքական ցիկլերով։ Խորհրդային ղեկավարներ, անկախության առաջնորդներ, պատերազմի հրամանատարներ, ճգնաժամային կառավարիչներ` ամեն մեկն իր փուլում իր նվիրումն է բերել, իր գործն է արել։ Մեզ հիմնավոր ոչինչ չի խանգարում տեսնել այդ ամենը, պետք է ընդամենը գիտակցել դա ու բարձրաձայնել նրանց վաստակի մասին։

Հնին վերադարձ չկա, բայց որպեսզի նորը չդառնա վաղուց մոռացված հին, այն պետք է կառուցել փորձի ու գիտելիքի վրա: Սկզբունքներն էլ շատ պարզ են.
-Չհպարտանալ այն կադրերով, որոնք չունեն կենսագրություն ու անկարող են, չգիտեն ոչ մեկին և չեն անցել ճանապարհ։ Սա 21-րդ դարն է։ Կադրային բանկում չի կարելի միայն երիտասարդներ ունենալ: Այդպես մենք սկսում ենք ոչ թե նոր էջով, այլ կրկնում ենք հին ու շատ հին սխալները՝ նորովի։

- Ազգային նշանակության հարցերում չարհամարհել հսկայական փորձ ունեցող նախկին առաջնորդներին. նախ, մեծամտորեն չխորհրդակցելով, անել աշխարհի բոլոր հանցավոր հիմարությունները և, հասնելով անդունդի եզր, հասկանալ, որ բոլոր կամուրջները տգետի պես այրել ես: Սա 21-րդ դարն է։

Հնին վերադարձ չկա, եթե դիսկուրսում նոր գաղափարներն են։ Եթե դու պայքարում ես անցյալի դեմ՝ ուրեմն դու դեռ անցյալում ես։ Դու նույնիսկ ներկա չես։ Հնին վերադարձ չկա, բայց մեկ պայմանով, եթե խոսում ենք ու գործում ապագայի մասին տեսլականներով։
Որպեսզի ապագան գա, պետք է չկառչել անցյալից, պետք է չապրել անցյալով: Իսկ որպեսզի անցյալի պատանդը չդառնաս, պետք է հասկանալ, գնահատել, ներել ու հրաժեշտ տալ մարդկանց, ովքեր ապագայի ճանապարհի քո ընկերները չեն։ Ու ճամփա բռնել դեպի ապագա։ Այդ ժամանակ հնին վերադարձ չի լինի, հինը չի վերադառնա, հինը կմնա անցյալում։ Լավ կամ վատ, սխալ կամ ճիշտ, սև կամ սպիտակ, երբեմն էլ` մի քիչ սև ու մի քիչ սպիտակ, մի քիչ լավ ու մի քիչ վատ, բայց` անցյալում։ Այն կդառնա օգտակար փորձ, գիտելիք, կարողություն ու ճանապարհ կհարթի նորերին՝ դեպի նոր իրականություն և իրապես նոր Հայաստան։

Հնին վերադարձ չկա, երբ առկա է սերունդների համերաշխություն, հետ չնայելու հանրային համաձայնություն, նոր տեսակի ապագա և նոր որակի երկիր ունենալու ցանկություն ու կարողություն։ Իսկ դա, իմ խորին համոզմամբ, հնարավոր է։
Ես անսահման հիացած եմ Առաջին հանրապետության առաջնորդների քաջությամբ, Խորհրդային Հայաստանի ղեկավարների իմաստնությամբ, և մեծ հաշվով, զրոյից երկիր կառուցելու կարողությամբ:

Ես խորապես շնորհակալ եմ Հայաստանի Հանրապետության բոլոր ղեկավարներին.
Լևոն Տեր-Պետրոսյանին՝ անկախության շարժումն առաջնորդելու և մեր անկախ երկրին միս ու արյուն, հոգի տալու համար, անկախությունն անդառնալի դարձնելու համար:
Ռոբերտ Քոչարյանին՝ կարևորագույն ժամանակահատվածներում Արցախն ու Հայաստանը պահելու ու ոտքի հանելու համար, մեր երկրին ինքնավստահություն և մեր հասարակությանը` սեփական ուժերի հանդեպ հավատ ներշնչելու համար:
Սերժ Սարգսյանին՝ համերաշխությունը, լայնախոհությունն ու մարդկայինը առաջնորդության մեջ առաջին պլան բերելու համար, ժամանակակից ու հասուն պետության ուղեգիծն ամուր ֆիքսելու համար, ամեն ինչից զատ` մարդ լինելու համար։ Ինձ համար մեծ պատիվ էր ներկայացնել նրա գլխավորած իշխանությունը դեսպանի կարգավիճակում, հպարտ եմ այդ իշխանության անուրանալի ձեռքբերումներով, որ դեռ պիտի իրապես ընկալվեն ապագայում, և ինձ համարում եմ նաև պատասխանատու այն սխալների համար, որ կատարվել են այդ ժամանակահատվածում: Սխալներ, որ ուղղելու ենք:

Մի օր կգա ճակատագրից ու ապագայից հասկացող առաջնորդ, հերթով կայցելի այս գործիչներին, կխոնարհվի ու կհանձնի նրանց հասանելիք պետական բարձրագույն պարգևները: Չկասկածե՛ք:

Իսկ քանի դեռ ներկա Հայաստանը, մեջքով դարձած ապագային, ինքնամոռաց փորփրում է անցյալը, աղետի տանելով նրանց ժառանգությունը` Հայրենիքը, նրանցից յուրաքանչյուրը վերադառնալու պարտք ու իրավունք ունի: Եվ եթե դա լինի ոչ թե իշխանությունը վերադարձնելու, այլ վերահաս աղետից երկիրը փրկելու համար, ես իմ համեստ ունակություններով կկանգնեմ նրանցից յուրաքանչյուրի հետևորդների շարքերում:
Ես շնորհակալ եմ նաև գործող իշխանությանը ու նրա ղեկավարին, կամա թե ակամա, երկրի նոր ռեստարտը խթանելու և հանրային ոգևորությունը լրջորեն բարձրացնելու համար։ Նորի սպասման այդ էներգետիկան ավելին է, քան ցանկացած բնական կամ տեխնոլոգիական հարստություն. այն սարեր կարող է շուռ տալ: Ու թեև իշխանությունը ծայրամասի իր աշխարհընկալմամբ ամեն օր մսխում է այդ հարստությունը, դրա մնացորդներն անգամ մեծ արժեք են ու դեռ շատ են պետք գալու մեր երկրին:

Մենք ունեցել ենք և ունենք առաքելություն ունեցող և երկրին անմնացորդ նվիրված առաջնորդներ՝ իրենց սխալներով և անուրանալի, անջնջելի վաստակով։ Իսկ այսօր ժամանակն է սկսել նոր էջից։ Երկրի կառավարման նոր փիլիսոփայությամբ։ Աշխարհին հասկանալի լեզվով: Ունակ մարդկանցով։ Նոր էներգիայով: Եվ դա, իրոք, հնարավոր է»:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել Asekose.am-ի խմբագրության տեսակետների հետ: Նյութերի ներքո` վիրավորական ցանկացած արտահայտություն կհեռացվի կայքից:
Բլոգ ավելին