yerkir.am-ի տեղեկություններով` այս գիշեր ծառայողական պարտականությունները կատարելու ժամանակ ԼՂՀ Ջաբրայիլի տարածքում բնական աղետի հետևանքով մահացած ժամկետային զինծառայող` կրտսեր սերժանտ Վարդան Կարապետի Ղրմաջյանը Զվարթնոցից էր: Նրա ընկերները մեզ հայտնեցին, որ Վարդանը մի քանի օրից պետք է զորացրվեր: Նա ընտանիքի միակ արու զավակն էր, ունի երկու քույր:
«Մանկավարժների ընտանիքում էր ծնվել. մայրը և տատիկը դպրոցում են աշխատում: Շատ լավ մարդ էր, կենսուրախ, բարի, կամեցող, համեստ»,- զրույցում պատմեց Վարդանի համադասարանցին:
Մանրամասները՝ սկզբնաղբյուր կայքում
Հիշեցնենք, որ տեղացած առատ անձրևից առաջացած ջրհեղեղի, ուժեղ քամու հետեւանքով հունիսի 8-ին ժամը 00:30-ին, ծառայողական պարտականությունները կատարելու ժամանակ անհետ կորել են N զորամասի ժամկետային զինծառայողներ կրտսեր սերժանտ Վարդան Կարապետի Ղրմաջյանը և շարքային Արմեն Պավելի Գազարյանը:
