Գանատայի Մոնթրէալ քաղաքի Ազգային Ս. Յակոբ ամէնօրեայ վարժարանի Գ. կարգի աշակերտները գրած են հետեւեալ նամակները ուղղուած հայոց բանակի զինուորներուն։
Սիրելի՛ հայ զինուոր
Իմ անունս Էմա Թօփճեան է, ես 8 տարեկան եմ եւ բարի եմ, կ'ապրիմ Գանատա, շատ լաւ հայերէն գիտեմ, գիտեմ նաեւ, որ դուն քաջ ես եւ կեանքիդ գնովը մեր հայրենիքը կը պաշտպանես: Շնորհակալութիւն կը յայտնեմ քեզի:
Սիրով՝ Էմա Թօփճեան
Սիրելի՛ հայ զինուոր
Ես Մանուէլ Թասլաքեանն եմ, 9 տարեկան եմ, կ'ապրիմ Մոնթրէալ, Գանատա: Ես ձեզ չեմ ճանչնար, բայց ձեր մասին շա՜տ կը լսեմ եւ ձեր նկարները կը տեսնեմ: Ես հայրենիքս կը պաշտպանեմ հայերէն դասերս լաւ սորվելով: Ձեզի առողջութիւն կը մաղթեմ, իսկ հայրենիքիս՝ խաղաղութիւն:
Սիրով՝ Մանուէլ Թասլաքեան
Սիրելի՛ հայ զինուոր
Անունս Լորա Նազարեան է, կ'ապրիմ Մոնթրէալ, Գանատա, կը յաճախեմ Ազգ. Ս. Յակոբ վարժարանը: Ես շատ ուրախ եմ, որ դուն կը պաշտպանես մեր հայրենիքը, դուն քաջ ես եւ գիտես, թէ ինչպէ՛ս պէտք է կռուիս թշնամիին դէմ:
Սիրով՝ Լորա Նազարեան
Սիրելի՛ հայ զինուոր
Ես Ալիսիա Թապէթն եմ, կ'ապրիմ Գանատա:
Դուք շատ քաջ էք եւ ուժեղ: Ես տեսայ, թէ ինչպէ՛ս կը սողաք, կը մագլցիք, կը կռուիք, որպէսզի մեր հայրենիքը պաշտպանէք: Ես ուրախ եմ, որ դուք քաջաբար կը պաշտպանէք Հայաստանը:
Ձեզի կը մաղթեմ առողջութիւն, կը մաղթեմ նաեւ, որ այլեւս պատերազմներ չըլլան, որպէսզի բոլորս խաղաղ ապրինք:
Սիրով՝ Ալիսիա Թապէթ
Սիրելի՛ հայ զինուոր
Ես Ռուբէն Գարայեանն եմ, 8 տարեկան եմ, կ'ապրիմ Գանատա:
Ամէն գիշեր երբ կ'աղօթեմ՝ կը մտածեմ ձեր մասին: Դուք անվախ եւ քաջաբար կը կռուիք թշնամիին դէմ եւ շատ հմուտ միջոցներ ունիք մեր հայրենիքին սահմանները պաշտպանելու համար: Դուք կը պատժէք մեր թշնամին: Շնորհակալութի՛ւն ձեզի:
Սիրով՝ Ռուբէն Գարայեան
Սիրելի՛ հայ զինուոր
Ես հայ տղայ մըն եմ, անունս Վայք Աճէմեան է: Շատ լսած եմ ձեր մասին: Ես ապահով եւ երախտապարտ կը զգամ, որովհետեւ մեր հայրենիքը պաշտպանող ձեզի նման զինուորներ ունինք: Երբ մեծնամ ես ալ զինուոր պիտի ըլլամ: Հայ Զինուորին օրուան առիթով ձեզի կը մաղթեմ առողջութիւն, ուժ եւ երկար կեանք:
Սիրով՝
Վայք Աճէմեան
Սիրելի՛ հայ զինուոր
Ես Լուսինէ Զաքարեանն եմ, 9 տարեկան: Ես Ազգային Ս. Յակոբ վարժարանը կը յաճախեմ եւ շատ կը սիրեմ դպրոցս, որովհետեւ հայկական է:
Շնորհակալութիւն կը յայտնեմ ձեզի, որովհետեւ կը պաշտպանէք մեր հայրենիքը եւ չէք արտօներ, որ թշնամին յարձակի Հայաստանի վրայ:
