Օրերս շատերի ուշադրությանն իր պատմած դեպքով արժանացած կապույտ մազերով աղջիկը կարծես թե որոշել է ռազմական դասընթացների հաճախել(ՈՄԱ-Ողջ մնալու արվեստը):
«Այդ աղջիկը երևի մի քանի օրից կգա մեր դասընթացներին մասնակցելու, նման ցանկություն է հայտնել: Հետը կաշխատենք, նորմալ երեխա կդառնա, ուղղակի սխալ ուղղության վրա էր»,-լրագրողների հետ հանդիպման ժամանակ ասաց ազատամարտիկ, հետախույզ Վովա Վարդանովը:
Հիշեցնենք, որ Արցախի Հանրապետության Նախագահ Բակո Սահակյանի հանձնարարականով և Արցախի Հանրապետության ոստիկանության պետ¸ գեներալ-մայոր Կամո Աղաջանյանի հրամանով նշանակվել է ծառայողական քննություն¸ որի կատարումը իրականացնում է ԱՀ ոստիկանության Ներքին անվտանգության ծառայությունը։ Ծառայողական քննության շրջանակներում արդեն իսկ մանրամասն բացատրություններ են ներկայացրել ինչպես ոստիկանության մի շարք ծառայողներ¸ այնպես էլ միջադեպերի վերաբերյալ տեղեկություններ ունեցող քաղաքացիներ՝ իրենց նախաձեռնությամբ։
Անի Կարապետյան
