2015-ի մայիսի 21-ին, ֆեյսբուքյան օգտատեր Գեղամ Ասլամազյանն անդրադարձել էր ATV հեռուստաընկերությամբ հեռարձակով «Կիսաբաց լուսամուտներ»-հաղորդաշարում որպես փորձագետ հանդես եկող «Լիվաման» իրավաբանական գրասենյակի տնօրեն Լիլիթ Մանասերյանին:
Հրապարակման հեղինակը Լիլիթ Մանասերյանին մեղադրում էր խարդախության և նախկինում դատվածություն ունենալու մեջ:
Տվյալ հրապարակումը նաև տեղ էր գտել Asekose.am կայքի ԲԼՈԳ բաժնում, իսկ նյութի ներքո նշված էր, որ կայքը պատրաստ է խնդրի վերաբերյալ հարթակ տրամադրել նաև հակառակ կողմին` տվյալ պարագայում Լիլիթ Մանասերյանին:
Ներկայումս Լիլիթ Մանասերյանը Asekose.am-ին տրամադրել է փաստաթղթեր, որոնց շնորհիվ պարզ է դառնում, որ գրառման մեջ նշված փաստերը ստահոդ են, հիմնավորում չունեն և պարունակում են զրպարտության տարրեր:
Asekose.am-ը Լիլիթ Մանասերյանից հայցում է իր ներողամտությունն ծագած խնդրի վերաբերյալ:
Հավելենք նաև, որ Asekose.am-ը բլոգերների ու համացանցի օգտատերերի գրառումները ներկայացնում է առանց խմբագրման և հիշեցմամբ, որ հակառակ կողմն էլ իր հերթին կարող է հանդես գալ հրապարակմամբ, որը նույնպես տեղ կգտնի Asekose.am կայքում:
Ստորև ներկայացնում ենք այն փաստաթղթերը, որոնք մեզ տրամադրել է Լիլիթ Մանասերյանը: